Oodõtas vahtsiid võrokeelitsit laulõ Uma Laulu konkursilõ

Joba viiendät kõrda käü Uma Pido ettevalmistusõ mano ka konkurss Uma Laul, millega otsitas vahtsiid umakiilsit ja umaloomingulisi laulõ vabal teemäl. Laulu võiva olla nii täämbädse ao stiilin ku ka perimuslike motiivega, kokko või säädi vahtsõt ja vanna. Üts autor või kõgõ inämb üles anda viis laulu.

Võigõlustöid oodõtas 23. septembrini 2026. Avvuhinnafond om 1000 eurot.

Vällä valit laulu tulõva ette kandmisõlõ võro keele nädälil 5. novembril Rõugõ rahvamajan, kon noid hindas žürii ja publik. Konkurssi kõrraldasõ Võro Selts VKKF ja Uma Pido projektijuht Merike Tigas (merike.tigas@wi.ee), tugõva Eesti Kultuurikapital ja Võro Instituut. Inämb teedüst umapido.ee lehe päält.