Vällä tull’ VÕRO-SETO TÄHTRAAMAT 2025

2024. aastaga simunapäävä oll’ Lindora laat, kon näüdäti vahtsõt Võro-seto tähtraamatut.

Loomanukka kirodi Sepäjõõ Riks, Lillagu Anti ja Vaaba Janek juttõ ja luulõtuisi.

Jaon Sõakunstist aoluun näütäs Piirimehe Mart, kuimuudu om sõta läbi aoluu kunstin kujotõt, a tä tege tuud ummamuudu…

Kauksi Ülle kirotas, midä või uuta timä vahtsõst tüküst Seto odüsseia.

Viselä Agu märgotas, midä tuu tullõvaig ja vahtsõnõ inemiseoppus.

Päält näide om ka kats jutukõist, Tsuhknapoiss Setumaal Silla Silveri käest ja Uutmalda kokkosaamisõ Linde Astridi käest.

Jaon Tsõõrigu Tähtpäävä om kõnõld Laanõ Triinuga, kiä saa 50, ja Kala Urmaga, kiä saa 55, ja om kirotõt Rahmani Janist, kiä saa 50.

Simunapääväst simunapääväni om raamatun sääne kotus, kohe om proovit korjada kõik tegemise, raamadu, tiatritükü, midä 2023. aastaga simunapääväst 2024. aastaga simunapääväni om tett, näüdät vai kirotõt.

Tähtraamadu ilmasambas om Kasagu Ennu rehkendedüisi pühhiga võro ja seto paralleelkallendri.

Raamadu sääd’ kokko Vaaba Janek, pildi tekk’ Soonõ Madli.